എളനാട്: പ്രാദേശിക എൻ.ജി.ഒകളുടെ പ്രവർത്തന മികവ് വർദ്ധിപ്പിക്കുന്നതിനും അവയെ ശാക്തീകരിക്കുന്നതിനുമായി ഇൻഫാക്കിന്റെ (INFACC) നേതൃത്വത്തിൽ ‘എൻ.ജി.ഒ എംപവർമെൻ്റ് പ്രോഗ്രാം’ സംഘടിപ്പിച്ചു. 2026 സെപ്റ്റംബർ 4-ന് എളനാട് തണൽ വെൽഫെയർ സൊസൈറ്റിയിൽ വെച്ചാണ് പ്രോഗ്രാം നടന്നത്.
പരിപാടിയുടെ ഭാഗമായി സൊസൈറ്റി ഭാരവാഹികളുടെ പ്രത്യേക മീറ്റിംഗും അയൽക്കൂട്ട ഭാരവാഹികളുടെ ഒത്തുചേരലും നടന്നു. എൻ.ജി.ഒകളുടെയും അയൽക്കൂട്ടങ്ങളുടെയും കാര്യക്ഷമമായ നടത്തിപ്പിനെയും ഭാവി പ്രവർത്തനങ്ങളെയും കുറിച്ചുള്ള വിവിധ സെഷനുകൾക്ക് ഇൻഫാക് ജനറൽ സെക്രട്ടറി കെ.കെ. ഷാനവാസ് നേതൃത്വം നൽകി.
ഇൻഫാക് കോ-ഓർഡിനേറ്റർ സബീർ വി., തണൽ വെൽഫെയർ സൊസൈറ്റി സെക്രട്ടറി മുസ്തഫ എളനാട്, ജമാഅത്തെ ഇസ്‌ലാമി ചേലക്കര ഏരിയ പ്രസിഡൻ്റ് സി.വി. ഷാജി എന്നിവർ പരിപാടിയിൽ സംസാരിച്ചു. പ്രാദേശിക വികസനത്തിൽ എൻ.ജി.ഒകൾ വഹിക്കുന്ന പങ്കിനെക്കുറിച്ചും കൂട്ടായ്മകളുടെ പ്രാധാന്യത്തെക്കുറിച്ചും പരിപാടിയിൽ ചർച്ച ചെയ്തു. മികച്ച സംഘാടക മികവുകൊണ്ടും പ്രതിനിധികളുടെ സജീവ പങ്കാളിത്തം കൊണ്ടും പ്രോഗ്രാം ശ്രദ്ധേയമായി
